 |
 |
 |
Contents | Search | About | Editorial Policy | Glossary | Lexicon | Bibliography:Text - Topic |  |
|
|||||
|
|||||
|
The King of Tars
Herkneþ to me boþe eld & Šing, {f.7ra}
 For Maries loue þat swete þing,
Al hou a wer bigan
Bitvene a trewe Cristen king
5000 & an heþen heye lording,
Of Dames þe soudan.
Þe king of Tars hadde a wiue,
Feirer miŠt non ben oliue
Þat ani wiŠt telle can.
1000 A douhter þai hadde hem bitven,
Non feirer woman miŠt ben,
As white as feþer of swan.
Þe meiden was schast & bliþe of chere,
Wiþ rode red so blosme on brere,
1500 & eyŠen stepe & gray;
Wiþ lowe scholders & white swere,
Hir forto sen was gret preier
Of princes proud in play.
Þe los of hir gan spring wide
2000 In oþer londes bi ich a side;
So þe soudan herd it say.
Him þouŠt his hert it brast o fiue
Bot Šif he miŠt haue hir to wiue
Þat was so feir a may.
2500 ¶ His messangers he gan calle, & bad hem wiŠtly wenden alle
To hir fader, þe king;
& seyd he wald, houso it bifalle,
His douhter cloþe in riche palle,
3000 & spouse hir wiþ his ring.
& Šif he nold, wiþouten feyl,
He wald hir win in batayl
Wiþ mani an heye lording.
Þe messangers forþ þai went
3500 To don þe soudans comandment
Wiþouten ani duelling.
¶ Þan þe king of Tars þis vnderstode,
Almest for wretþe he wex ner wode,
& seyd þus in sawe,
4000 ‘Bi him þat
dyed on þe rode, {f.7rb}
Ich wald arst spille min hert-blode
In bateyl to ben yslawe.
Y nold hir Šiue a Sarazin
For alle þe lond þat is mine;
4500 Þe deuel him arst todrawe.
Bot sche wil wiþ hir gode wille
Be wedded to him hirselue to spille;
Hir þouŠtes nouŠt y no knawe,
¶ Ac y schal wite ar þan Še pas.’
5000 His douhter anon was brouŠt in plas,
& he axed hir biliue,
‘Douhter, þe soudan of Damas
Šernes forto se þi fas,
& wald þe haue to wiue.
5500 Waldestow, douhter, for tresour,
Forsake Ihesus our saueour,
Þat suffred woundes fiue?’
Þe maiden answerd wiþ mild mod
Biforn hir fader þer sche stode,
6000 ‘Nay lord, so mot y þriue.
¶ Ihesu, mi Lord in trinite,
Lat me neuer þat day yse
A tirant forto take.
O God & persones þre,
6500 For Marie loue, þi moder fre,
Šif him arst tene & wrake.’
Þe king seyd ‘douhter, be stille.
Þou schalt neuer be wedded him tille,
For no bost he can make.
7000 Y schal him sende word oŠein
Þat alle his þouŠtes ben in vein,
For þou hast him forsake.’
¶ RiŠt be þe self messangers
Þat com fro þe soudan fers,
7500 Þis wordes he him sent,
Þat sche leued nouŠt on his maners;
Sche nold nouŠt leten hir preiers
To God omnipotent.
He bad him tak anoþer thouŠt,
8000 For of his douhter no tit him nouŠt
For tresore no for rent.
Þe messangers herd him þus seyn,
Wiþ þat word þai turned oŠain
& to þe soudan þai went. {f.7va}
8500 ¶ As þe soudan sat at his des, Yserued of þe first mes,
Þai com into þe halle.
Bifor þo princes prout in pres
Her tale to telle wiþouten les
9000 On knes þai gun doun falle.
Þai seyd ‘sir, þe king of Tars
Of wicked wordes is nouŠt scars;
Heþen hounde he gan þe calle,
& ar he Šiue his douhter þe t[i]lle
9500 Þine hert-blod he will sp[i]lle,
& þine barouns alle.’
¶ When þe soudan þis wordes herd,
Also a wilde bore he ferd;
His robe he rent adoun,
1000 His here he rent of heued & berd.
He schuld venge him wiþ his swerd,
He swore bi seyn Mahoun.
Þe table so heteliche he smot
It fel into þe flore fot-hot,
1050 & [he] loked as a lyoun.
Al þat he rauŠt he smot doun riŠt:
Seriaunt, squier, clerk & kniŠt,
Boþe erl & baroun.
¶ Al þus þe soudan ferd, y pliŠt,
1100 Al þat day & alle þat niŠt;
Noman miŠt him schast.
Amorwe, when it was liŠt,
His messangers he sent ful riŠt
For his barouns wel fast
1150 Þat þai com to his parlement
For to heren his iugement,
Boþe lest & mast.
When þe parlement was pleyner,
Þo bispac þe soudan fer,
1200 & seyd to hem in hast:
¶ ‘Lordinges’ he seyd ‘what to red?’
Me haþ ben don a gret misdede
Of Tars, þe Cristen king.
Y bede him boþe lond & lede
1250 For his douhter, worþliche in wede,
To han wed hir wiþ ring.
& he me sent word ogain
In bateyl y schuld arst be sleyn {f.7vb}
& mani an heye lording.
1300 & certes he schal be forsworn -
Wroþerhele þan was he born -
Bot y þerto it bring.
¶ & þerfore ich haue after Šou sent,
& asembled here þis parlement,
1350 To wite Šour conseyle.’
& alle þai seyd wiþ gode entent
Þai were at his comandment,
Certeyn, wiþouten feile.
RiŠt bi þat day a fourtenniŠt
1400 Þai schul ben alle redi diŠt
Wiþ helme [&] hauberk of meile.
& whan þai were so at his hest,
Þe soudan made a riche fest
For loue of his bateyle.
1450 ¶ Þe soudan gaderd a rout vnride Of SarraŠins of michel pride
Opon þe king to (to) wende.
Þe king of Tars herd sey þat tide,
He gadred his ost bi ich a side,
1500 Al þat he miŠt ofsende.
Þan bigan wretþe to wake,
For þat mariage miŠt nouŠt take
Of þat maiden hende.
Of bateyl þai gun sett a day,
1550 Of seynt Eline, þe þridde in May.
No lenger no wald þai lende.
¶ Þe soudan com wiþ his pouwer,
Wiþ briŠt armour & brod baner
Into þe feld to fiŠt,
1600 Wiþ sexti þousend SarraŠins fer,
Þat alle þe feldes fer & ner
Wiþ helmes lemed liŠt.
Þe king of Tars com wiþ his ost,
Wiþ gret pride & michel bost,
1650 Wiþ mani an hardi kniŠt.
& aiþer ost gan oþer aseyle;
Þer miŠt men se a strong bateyle
Þat grimli was of siŠt.
¶ Þer hewe houndes on Cristenmen
1700 & feld hem doun bi niŠen & ten.
So wilde þai were & wode
Þat men miŠt sen alle þe fen {f.8ra}
Of Cristen boþe fremd & ken;
Þe valays ren on blod.
1750 Þe soudan & his folk þat stounde
Hewe adoun wiþ grimli wounde
Mani a frely fode.
Allas, to wele sped Mahoun.
Þe Cristenmen Šede al adoun;
1800 Was nouŠt þat hem wiþstode.
¶ Þe king of Tars seye þat siŠt,
For wretþe he was neye wode, apliŠt.
He hent in hond a spere,
& to þe soudan he rode ful riŠt,
1850 Wiþ a stroke o[f] michel miŠt
To grounde he gan him bere.
Þer he hadde þe soudan slawe,
Ac ten þousend of heþen lawe
Saued him in þat were.
1900 Þai sett him on a ful gode stede
Þat was so gode at eueri nede
Þat noman miŠt him dere.
¶ & when he was opon his stede,
Him þouŠt he brend so spark on glede
1950 For ire & for envie.
He fauŠt so he wald wede;
Alle þat he hit he maked blede.
‘Help, Mahoun’ he gan crie.
Mani helme þer was ofweued,
2000 & mani bacinet tocleued,
& sadles fel emtye.
Mani swerd & mani scheld
& mani kniŠt lay in þe feld
Of Cristen compeynie.
2050 Þe king of Tars seye him so ride; He fleye, & durst nouŠt abide,
Homward to his cite.
Þe SarraŠins folwed in þat tide,
& slouŠ adoun bi ich a side
2100 Þat Cristen folk so fre.
Þritti þousend þer were yslawe
Of kniŠtes of Cristen lawe,
& þat was gret pite.
Amorwe, for her boþer sake,
2150 Trewes þai gun bitven hem take,
A moneþ & dayes þre. {f.8rb}
¶ On a day þe king sat in his halle,
& made grete diol wiþalle,
For his folk were forlore.
2200 His douhter com clad in palle,
Adoun on knes sche gan to falle,
& seyd wiþ sikeing sore,
‘Sir, lete me be þe soudans wiif,
& rere namore cuntek no striif
2250 As haþ ben here bifore.
For me haþ mani man ben schent,
Cites nomen & tounes brent.
Allas, þat ich was bore.
¶ Fader, y wil serue at wille
2300 Þe soudan boþe loude & stille,
& leue on God almiŠt.
Bot it so be, he schal þe spille,
& alle þi lond take him tille,
Wiþ bateyle & wiþ fiŠt.
2350 Certes y nil no lenger dreye
Þat Cristen folk for me dye;
It were a diolful siŠt.’
Þe king of Tars answerd þo,
As man þat was in sorwe & wo,
2400 Vnto þat bird briŠt
¶ ‘Now douhter, blisced mot þou be
Of Ihesu Crist in trinite
Þe time þat þou were bore;
For þou wilt saue þi moder & me
2450 Al þi preier graunt y þe
Astow hast seyd bifore.’
‘F[a]der’ sche seyd ‘wiþouten duelling,
For Ihesus loue, heuen-king,
Šif it þi wille wore,
2500 Do now swiþe þat y war þere
Ar ani more sorwe arere
Þat Še be nouŠt forlore.’
¶ Þe king of Tars, wiþ gode entent,
Hastilich after his wiif he sent,
2550 Þat leuedi þat was so hende.
When sche was comen in present
He seyd ‘dame, our douhter haþ ment
To þe soudan to wende.
Do loke what rede is now at þe,
2600 For now er here bot we
þre, {f.8va}
To saue Cristen kende.’
Þe quene answerd wiþouten feile,
‘Y no schal neuer þerto conseyle
Our douhter forto schende.’
2650 ¶ Þe maiden was ful of sorwe & wo. ‘Merci’ sche crid hir moder þo
Wiþ a wel reweful steuen.
‘Moder, it is nouŠt long ago
For me were slawe kniŠtes þro,
2700 Þritti þousende & seuen.
Forþi y wil suffre no lenger þrawe
Þat Cristen folk be for me slawe,
Wiþ þe grace of God in heuen.’
Þus þe maiden wiþ wordes stille
2750 BrouŠt hem boþe in better wille
Wiþ resoun riŠt & euen.
¶ & when þai were þus at on,
Messangers þai sent anon
Vnto þat riche soudan.
2800 To make his frende þat were his fon,
& for he schuld his men nouŠt slon
His douhter he graunt him þan.
Þe messangers nold no leng abide;
To þe soudan þai went þat tide,
2850 & þus þai tel him gan.
When þo letters weren yradde
Þe soudan was boþe bliþe & glad,
& so was mani a man.
¶ So glad he was in al maners
2900 He cleped to him of his pers,
Doukes, princes & kinges.
Into a chaumber þai went yfers
To diŠt vnto þe messangers
Gode stones & riche ringes.
2950 Bi conseyl of þe lordinges alle
Þe soudan dede bring into þe halle
Šiftes & riche þinges,
& Šaf to hem gret plente,
To þe messangers wiþ hert fre,
3000 & þonked hem her tidinges
¶ & seyd he was alle at his wille,
Arliche & late, loude & stille,
To help him at his nede;
No more folk nold he spille. {f.8vb}
3050 Þe messangers went þe king tille
& told him of þat dede.
Þe king & þe quene also
Boþen hem was wele & wo,
In rime also we rede.
3100 Gret ioie þai hadde, wiþouten les,
For þat þe soudan wald haue pes
On Cristen felawerede.
Þe first day of Iulii tide,
Þe soudan nold no leng abide,
3150 To þe king of Tars he sent
KniŠtes fele & michel pride
& riche iewels, is nouŠt to hide,
To Šif to his present.
Þe messangers, wiþouten duelling,
3200 Com to Tars, bifor þe king,
To haue his douhter gent.
Þai welcomed hem wiþ glad chere.
Of gret pite, now may Še here,
To chaumber when þai went.
3250 ¶ Þai maden cri & michel wo For þai schuld her douhter forgo
& to þe soudan hir sende.
Þe maiden preyd hem boþe þo
Þat þai schuld bi her conseyl do
3300 To sauen Cristen kende.
‘For y wil suffre no lenger þrawe
Þat Cristen folk be for me slawe.’
To halle þai gun wende,
& welcomed þo messangers
3350 Þat com from þe soudan fers
Wiþ wordes fre & hende.
¶ Þan seyd þe quen to hem þan
‘Hou fareþ Šour lord, þe soudan,
Þat is so noble a kniŠt?’
3400 Þe messangers answere gan,
‘He farþ as wele as ani man,
& is Šour frende, apliŠt.’
Þe quen seyd, wiþ milde chere,
‘Wele better þei mi douhter were,
3450 Bi Ihesu ful of miŠt,
Mi douhter is nouŠt to him to gode;
Y vouchesaue on him mi blode,
Þei sche were ten so briŠt.’ {f.9ra}
¶ Þe messangers diŠt hem swiþe
3500 Wiþ kniŠtes fele & stedes stiþe
& brouŠt hir into chare.
Þe king & þe quen were vnbliþe;
Her sorwe couþe þai noman kiþe,
When þai seye hir forþ fare.
3550 [Þai seye it miŠt non oþer go;
BitauŠten hir God for euermo
& kist her douhter þare.]
Into chaumber þai went þo.
When þai were togider boþe to,
3600 Þan wakened alle her care.
¶ Þe king was in sorwe bounde,
Þe quen swoned mani a stounde,
For her douhter dere.
¶ KniŠtes & leuedis þer hem founde,
3650 & tok hem vp hole & sounde,
& comfort hem in fere.
Þus þe quen & þe king
Liued in sorwe & care morning;
Gret diol it was to here.
3700 Her care was euer aliche newe;
Hem chaunged boþe hide & hewe
For sorwe & reweli chere.
Nov late we ben alle her morning,
& telle we of þat maiden Šing
3750 Þat to þe soudan is fare.
He com wiþ mani gret lording
For to welcome þat swete þing
When sche was brouŠt in chare.
He kist hir wel mani a siþe;
3800 His ioie couþe he noman kiþe,
Oway was alle his care.
Into chaumber sche was ladde,
& richeliche sche was cladde
As heþ(þ)en wiman were.
3850 ¶ Whan sche was cladde in riche palle, Þe soudan dede his kniŠtes calle,
& badde þat maiden forþ fett.
& when sche com into þe halle
Bifor þe heyŠe lordinges alle,
3900 Toforn þe soudan þai hir sett.
Gret diol it was for to se
Þe bird þat was so briŠt on ble
To haue so foule a mett.
Þei þat sche made gret solas,
3950 Þe sorwe þat at hir hert was
No miŠt it noman lett. {f.9rb}
¶ & whan it was comen to niŠt
Þe leuedi, þat was so feir & briŠt,
To chaumber sche gan wende.
4000 & þerin anon, y Šou pliŠt,
A riche bed þer was ydiŠt
Vnto þat leuedi hende.
Þe leuedi was to bed ybrouŠt;
Þe soudan wild com þerin nouŠt,
4050 Noiþer for fo no fre[n]de
For noþing wold he neyŠe þat may
Til Þat sche leued opon his lay,
Þat was of Cristen kende.
¶ Wel loþe war a Cristen man
4100 To wedde an heþen woman
Þat leued on fals lawe;
Als loþ was þat soudan
To wed a Cristen woman,
As y finde in mi sawe.
4150 Þe soudan Šede to bed al prest,
KniŠtes & leuedis Šede to rest,
Þe pople hem gan wiþdrawe.
Þat miri maiden litel slepe,
Bot al niŠt wel sore sche wepe
4200 Til þe day gan dawe.
¶ & als sche fel on slepe þore
Her þouŠt þer stode hir bifore
An hundred houndes blake,
& bark on hir, lasse & more.
4250 & on þer was þat greued hir sore,
Oway þat wald hir take;
& sche no durst him nouŠt smite
For drede þat he wald hir bite,
Swiche maistri he gan to make.
4300 & as sche wald fram hem fle,
Sche seye þer stond deuelen þre,
& ich brent as a drake.
¶ So loþliche þai were al ywrouŠt
& ich in hond a gleiue brouŠt,
4350 Sche was aferd ful sore.
On Ihesu Crist was alle hir þouŠt,
Þerfore þe fendes derd hir nouŠt,
Noiþer lesse no more.
Fro þe fendes sche passed sounde,
4400 & afterward þer
com an hounde {f.9va}
Wiþ browes brod & hore;
Almost he hadde hir drawen adoun,
Ac þurth Ihesus Cristes passioun
Sche was ysaued þore.
4450 ¶ Šete hir þouŠt, wiþouten lesing, Als sche lay in hir sweuening,
Þat selcouþe was to rede,
Þat blac hounde hir was folweing
Þurth miŠt of Ihesu, heuen-king,
4500 Spac to hir in manhede,
In white cloþes, als a kniŠt,
& seyd to hir ‘mi swete wiŠt,
No þarf be noþing drede,
Of Teruagaunt no of Mahoun.
4550 Þi lord þat suffred passioun
Schal help þe at þi nede.’
¶ & when þe maiden was awaked,
For drede of þat wel sore sche quaked
For loue of her sweuening.
4600 On hir bed sche sat al naked,
To Ihesu hir preier sche maked,
Al miŠtful heuen-king.
As wis as he hir dere bouŠt
Of þat sweuening, in slepe sche þouŠt,
4650 Schuld turn to gode ending.
& when þe maiden risen was,
Þe riche soudan of Damas
To his temple he gan hir bring.
¶ Þan seyd þe soudan to þat may,
4700 ‘Þou most bileue opon mi lay
& knele now here adoun;
& forsake þi fals lay
Þat þou hast leued on mani a day,
& anour seyn Mahoun.
4750 & certes, bot þou wilt anon,
Þi fader y schal wiþ wer slon.
Bi Iouin & Plotoun,
& bi Mahoun & Teruagant
Þer schal noman ben his waraunt,
4800 Emperour, no king wiþ croun.’
¶ Þe maiden answerd wiþ mild chere
To þe soudan, as Še may here,
‘Sir, y nil þe nouŠt greue.
Teche me now & lat me here {f.9vb}
4850 Hou y schal make mi preiere
When ich on hem bileue.
To Mahoun ichil me take,
& Ihesu Crist, mi Lord, forsake,
Þat made Adam & Eue.
4900 & seþþen serue þe at wille,
Arliche & lat, loude & stille,
Amorwe & an eue.’
¶ Þan was þe soudan glad & bliþe,
& þanked Mahoun mani siþe
4950 Þat sche was so biknawe;
His ioie couþe he noman kiþe.
He bad hir gon & kis swiþe
‘Alle þine godes on rawe.’
Sche kist Mahoun & Apolin,
5000 Astirot, & sir Iouin,
For drede of wordes awe.
& while sche was in þe temple [þer]
Of Teruagant & Iubiter
Sche lerd þe heþen lawe.
5050 ¶ & þei sche al þe lawes couþe, & seyd hem openliche wiþ hir mouþe,
Ihesu forŠat sche nouŠt.
Wher þat sche was, bi norþe or souþe,
No minstral wiþ harp no crouþe
5100 No miŠt chaunge hir þouŠt.
Þe soudan wende niŠt & day
Þat sche hadde leued opon his lay,
Bot al he was bicouŠt.
For when sche was bi hirselue on
5150 To Ihesu sche made hir mon,
Þat alle þis world haþ wrouŠt.
¶ Þe soudan dede cri þat tide
Oueral, bi ich aside,
A turnament to take;
5200 & duhti men on hors to ride,
& dubbed hem in þat tide,
& kniŠtes gan he make.
Be trumpes gun forto blowe;
KniŠtes priked out o rouwe
5250 On stedes white & blake.
Þer miŠt men se sone & swiþe
Strong men her strengþe kiþe
For þat maiden sake. {f.10ra}
¶ Þe Cristen maiden & þe soudan
5300 In þe castel leyen þan,
Þe turnament to bihold.
& þo þe turnament bigan
Þer was samned mani a man
Of SarraŠins stout & bold.
5350 To sen þer was a semly siŠt,
Of þritti þousend of helmes briŠt,
In gest as it is told.
Þai leyden on as þai were wroþe
Wiþ swerdes & wiþ maces boþe,
5400 KniŠtes boþe Šong & old.
¶ Wel mani helme þer was ofweued,
& mani bacinet tocleued,
& kniŠtes driuen to grounde.
Sum þer fel doun on her heued,
5450 & sum in þe diche lay todreued,
& siked sore vnsounde.
Þe turnament last þo, y pliŠt,
Fram þe morwe to þe niŠt,
Of men of michel mounde.
5500 Amorwe þe soudan wedded þat may
In þe maner of his lay,
In gest as it is founde.
¶ Atte his bridale was noble fest,
Riche, real, & onest;
5550 Doukes [&] kinges wiþ croun.
For þer was melodi wiþ þe mest
Of harp & fiþel & of gest
To lordinges of renoun.
Þer was Šeuen to þe menstrels
5600 Robes riche & mani iuweles
Of erl & of baroun.
Þe fest lasted fourteniŠt,
Wiþ mete & drink anouŠ, apliŠt,
Plente & gret fousoun.
5650 ¶ Þat leuedi, so feir & so fre, Was wiþ hir lord bot moneþes þre
Þan he gat hir wiþ childe.
When it was geten sche chaunged ble;
Þe soudan himself þat gan se,
5700 Iolif he was & wilde.
Þerwhile sche was wiþ child, apliŠt,
Sche bad to Ihesu ful of miŠt {f.10rb}
Fram schame he schuld hir schilde.
Atte fourti woukes ende
5750 Þe leuedi was deliuerd o[f] bende
Þurth help of Mari milde.
¶ & when þe child was ybore
Wel sori wimen were þerfore,
For lim no hadde it non.
5800 Bot as a rond of flesche yschore
In chaumber it lay hem bifore
Wiþouten blod & bon.
For sorwe þe leuedi wald dye
For it hadde noiþer nose no eye,
5850 Bot lay ded as þe ston.
Þe soudan com to chaumber þat tide,
& wiþ his wiif he gan to chide
Þat wo was hir bigon.
¶ ‘O Dame’ he seyd biforn,
5900 ‘OŠain mi godes þou art forsworn,
Wiþ riŠt resoun y preue:
Þe childe þat is here of þe born
Boþe lim & liþ it is forlorn
Alle þurth þi fals bileue.
5950 Þou leuest nouŠt wele afine
On Iubiter no on Apoline
Amorwe na an eue;
No in Mahoun no in Teruagant,
Þerfore is lorn þis litel faunt,
6000 No wonder þei me greue.’
¶ Þe leuedi answerd & seyd þo,
Þer sche lay in care & wo,
‘Leue sir, lat be þat þouŠt.
Þe child was Šeten bitven ous to;
6050 For þi bileue it farþ so
Bi him þat ous haþ wrouŠt.
Take now þis flesche, & bere it anon
Bifor þine godes euerichon,
Þat þou no lete it nouŠt.
6100 & pray þine godes al yfere,
Astow art hem leue & dere,
To liue þat it be brouŠt.
¶ & if Mahoun & Iouin can
Make it fourmed after a man
6150 Wiþ liif & limes ariŠt,
Bi Ihesu Crist, þat þis warld wan, {f.10va}
Y schal leue þe better þan
Þat þai ar ful of miŠt.
& bot þai it to liue bring
6200 Y nil leuen on hem noþing
Noiþer bi day no niŠt.’
¶ Þe soudan toke þat flesche anon;
Into his temple he gan to gon
Þer his godes were diŠt.
6250 ¶ Biforn his goddes he gan it leyn, & held vp his honden tvein
While men miŠt go fiue mile.
‘A miŠtful Mahoun’ he gan to seyn,
‘& Teruagaunt of michel meyn,
6300 In Šou was neuer no gile.
Seyn Iubiter & Apolin,
Astirot & seyn Iouin,
Help now in þis perile.’
Oft he kneled & oft he ros,
6350 & crid so long til he was hos;
& al he tint his while.
¶ & when he hadde al ypreyd,
& alle þat euer he couþe he seyd,
Þe flesche lay stille as ston.
6400 Anon he stirt vp at a breyd,
& in his hert he was atreyd
For lim no hadde it non.
He biheld on his godes alle
& seye þer miŠt no bot bifalle;
6450 Wel wo was him bigon.
‘O sir Mahoun’ he gan to grede,
‘Wil Še nouŠt helpe me at þis nede?
Þe deuel Šou brenne ichon.’
He hent a staf wiþ grete hete,
6500 & stirt anon his godes to bete,
& drouŠ hem alle adoun.
& leyd on til he gan to swete,
& Šaf hem strokes gode & gret
Boþe Iouine & Plotoun.
6550 & alderbest he bete afin
Iubiter & Apolin,
& brac hem arm & croun.
& Teruagaunt, þat was her broþer,
He no lete neuer a lime wiþ oþer,
6600 No of his god Mahoun.
{f.10vb}
¶ & when he hadde beten hem gode won,
Šete lay þe flesche stille so ston
An heye on his auter.
He tok it in his hond anon,
6650 & into chaumber he gan gon,
& seyd ‘lo, haue it here.
Ich haue don al þat y can
To make it fourmed after a man
Wiþ kneleing & preier.
6700 & for alle þat ichaue hem bisouŠt
Mine godes no may help me nouŠt,
Þe deuel hem sett afere.’
¶ & þan answerd þat gode wiman
Wel hendeliche to þat soudan,
6750 ‘Leue sir, here mi speche.
Þe best rede þat y can,
Bi Ihesu Crist, þat made man,
Now ichil Šou teche.
Now þou hast proued god þine
6800 Šif me leue to asay mine,
Wheþer is better leche.
& leue sir, [y] prey þe þis:
Leue on hem þat stronger is,
For doute of more wreche.’
6850 ¶ Þe soudan answerd hir þore - In hert he was agreued sore
To sen þat selcouþe siŠt -
‘Now, dame, ichil do bi þi lore,
Šif þat y may se bifore
6900 Þi God is of swiche miŠt,
Wiþ ani vertu þat he can,
Make it fourmed after a man
Wiþ liif & limes ariŠt.
Alle mi godes ichil forsake,
6950 & to Ihesu, þi Lord, me take,
As ich am gentil kniŠt.’
¶ Wel bliþe was þe leuedi þan
For þat hir lord, þe riche soudan,
Hadde graunted hir preier.
7000 For hope he schuld be Cristen man
Sche þonked him þat þis world wan,
& Mari his moder dere.
Now ginneþ here a miri pas,
Hou þat child ycristned was {f.11ra}
7050 Wiþ limes al hole & fere,
& hou þe soudan of Damas
Was cristned for þat ich cas,
Now herken, & Še may here.
¶ Þan seyd þe leuedi in þat stounde,
7100 ‘Þou hast in þi prisoun bounde
Mani a Cristenman.
Do seche oueralle bi loft & grounde,
Šif ani Cristen prest be founde
Bring him bifor me þan.
7150 & y schal, ar tomorwe at none
Wite what Ihesu Crist can done
More þan þine maumettes can.
Anon þe prisouns weren ysouŠt,
Þai founden a prest & forþ him brouŠt
7200 Bi hest of þat soudan.
¶ He com bifor þat leuedi fre,
& gret hir feir opon his kne,
& seyd wiþ sikeing sore,
‘Madame, yblisced mot þou be
7250 Of Ihesu Crist in trinite,
Þat of Mari was bore.’
Þe leuedi seyd ‘art[o]w a prest?
Tel me soþe Šif þat tow best.
Canstow of Cristen lore?’
7300 ‘Madame’ seyd þe prest anon,
‘In verbo Dei, ich was on
Tventi winter gon & more.
¶ Ac Dame’ he seyd ‘bi seyn Ion,
Ten winter song y masse non,
7350 & þat me likeþ ille.
For so long it is now gon
Ichaue ben in prisoun of ston
Wiþ wrong & gret vnskille.’
Þe leuedi seyd ‘Lat be þi fare.
7400 Þou schalt be brouŠt out of þi care,
& tow wilt held þe stille.
For þurth þine help in þis stounde[s],
We schul make Cristen men of houndes.
God graunt it, Šif it be his wille.’
7450 ¶ Þan seyd þe soudans wiif, ‘Þou most do stille, wiþouten striif,
A wel gret priuete.
[Her is a child selcouþe discriif.
It haþ noiþer lim, no liif,
7500 No eyŠen forto se.]
Hali water þou most make, {f.11rb}
& þis ich flesche þou take,
Al for þe loue of me.
& cristen it, wiþouten blame,
7550 In þe worþschipe of þe Faders name,
Þat sitt in Trinite.
¶ For in him is mine hope, apliŠt;
Þe Fader, þat is ful of miŠt,
Mi sorwe schal me slake.
7600 Šif it were cristned ariŠt
It schuld haue fourme to se bi siŠt
Wiþ lim & liif to wake.'
Þat leuedi comand anon
Hir maidens out of chaumber gon
7650 For drede of wraying sake.
Þe prest no leng nold abide;
A feir vessel he tok þat tide,
& hali water he gan make.
¶ At missomer tide þat ded was don
7700 Þurth help of God þat sitt in trone,
As y Šou tel may.
Þe prest toke þe flesche anon,
& cleped it þe name of Ion
In worþschip of þe day;
7750 & when þat it cristned was
It hadde liif & lim & fas,
& crid wiþ gret deray.
& hadde hide & flesche & fel,
& alle þat euer þerto bifel,
7800 In gest as y Šou say.
¶ Feirer child miŠt non be bore;
It no hadde neuer a lime forlore;
Wele schapen it was wiþalle.
Þe prest no lenge duelled þore,
7850 & Šede & teld þe soudan fore
Þer he was in þe halle.
Þat leuedi, þer sche lay in bed,
Þat richeliche was bischred
Wiþ gold & purpel palle,
7900 Þe child sche toke to hir bliue,
& þonked our Leuedi ioies fiue
Þe feir grace þer was bifalle.
¶ & seyd ‘lord, ich pray þe,
AlmiŠti God in Trinite,
7950 So Šiue me miŠt & space
{f.11va}
Þat y may þat day yse
Mi lord wald ycristned be,
Þe soudan of Damas.’
Þan cam þe soudan, þat was blac;
8000 Sche schewed him þe
child & spac,
Wiþ liif & limes & face.
Sche seyd ‘Mahoun no Apolin
Is nouŠt worþ be brostle of a swin
OŠain mi Lordes grace.’
8050 ¶ Þe soudan seyd ‘leman min, Ywis, ich am glad afin
Of þis child þat y se.’
‘Ša, sir, bi seyn Martin,
Šif þe haluendel wer þin
8100 Wel glad miŠt þou be.’
‘O dame’ he seyd ‘hou is þat?
Is it nouŠt min þat y biŠat?’
‘No sir’ þan seyd sche,
‘Bot þou were cristned so it is
8150 Þou no hast no part þeron, ywis,
Noiþer of þe child ne of me.
& bot þou wilt Mahoun forsake,
& to Ihesu, mi Lord, þe take,
Þat þoled woundes fiue,
8200 [&] anon þou do þe Cristen make,
Þou miŠt be ferd for sorwe & wrake
While þat þou art oliue.
& Šif þou were a Cristen man
Boþe were þine’ sche seyd þan,
8250 ‘Þi childe & eke þi wiue.
When þou art dede þou schalt wende
Into blis wiþouten ende;
Þi ioie may noman kiþe.’
¶ þe soudan seye wele bi siŠt
8300 Þat Ihesu was of more miŠt
Þan was his fals lawe.
He seyd ‘dame, anonriŠt,
Ichil forsake mi god, apliŠt;
Þai schal be brent & drawe.
8350 Ac telle me now, par charite,
& for þe loue þou has[t] to me,
What schal y seyn in sawe?
Now ichaue forsaken mi lay,
Tel me now what is Šour fay, {f.11vb}
8400 & ichil lere wel fawe.’
¶ Þan seyd þat leuedi, hende & fre,
‘Vnderstond, sir, par charite,
On Ihesu Cristes lay.
Hou he was & euer schal be
8450 O God & persones þre,
& liŠt in Mari, þat may,
& in hir bodi nam flesche & bl[o]d,
& hou he bouŠt ous on þe rode
Opon þe Gode Friday,
8500 & hou his gost went to helle
Satanas pouste forto felle,
& brouŠt mankin oway.
¶ Þe þridde day, in þe morning,
To liue he ros, wiþouten lesing,
8550 As he com of þe rode,
& Šaf his frendes comforting,
& steye to heuen as miŠtful king
Boþe wiþ flesche & blod.
As it is founden in holy writ
8600 On his Fader riŠt hond he sitt,
& is wel mild of mode.
As it is writen in þe crede
He demeþ boþe þe quic & ded,
Þe feble & eke þe gode.
8650 & al þis warld schal todriue, & man arise fram ded to liue
RiŠt dome to vnderstond.
Þan schal Ihesu, wiþouten striue,
Schewe his blodi woundes fiue,
8700 Þat he for ous gan fond.
& þan schal he, wiþouten mis,
Deme ich man after he is,
Erl, baroun & bond.
Leue heron’ sche seyd þan,
8750 ‘& do þe make a Cristen man,
For noþing þou no wond.’
¶ Þan seyd þe soudan ‘dame, be stille.
Y schal be cristned þurth Godes wille
Ar þan þe þridde day.
8800 Loþ me were mi soule to spille;
Preye now þe prest he com ous tille
& teche me Cristen lay,
As priueliche as it may be, {f.12ra}
Þat noman wite bot we þre,
8850 Als forþ as Še may.
& ani it wist, heye or lowe,
Þou schalt be brent & y todrawe,
& we forsoke our fay.'
¶ Anon þe prest answerd þan
8900 Hendeliche to þat soudan,
‘Sir, ich am redi here
Wiþ alle þe pouwer þat y can
Forto make þe Cristen man
& Godes lay to lere.’
8950 His hond opon his brest he leyd;
‘In verbo Dei' he swore & seyd
‘Vnto Šou boþe yfere,
Wel trewe & trusti schal y be
Wiþ alle þat euer falleþ to me
9000 To help wiþ mi pouwere.’
¶ Amorwe when þe prest gan wake,
A wel feir fessel he gan take
Wiþ water clere & cold;
& halwed it for þe soudan sake,
9050 & his preier he gan make
To Ihesu, þat Iudas sold,
& to Marie his moder dere,
Þo þat þe soudan cristned were,
Þat was so stout & bold,
9100 He schuld Šif him miŠt & space
Þurth his vertu & his grace
His Cristendom wele to hold.
¶ & when it was liŠt of day
Þe riche soudan, þer he lay,
9150 Vp bigan to arise.
To þe prest he went his way,
& halp him alle þat he may
Þat fel to his seruise.
& when þe prest hadde þo
9200 DiŠt redi þat fel þerto
In al maner wise,
Þe soudan, wiþ gode wille anon,
Dede of his cloþes euerichon
To reseyue his baptize.
9250 ¶ Þe Cristen prest hiŠt Cleophas; He cleped þe soudan of Damas
After his owhen name. {f.12rb}
His hide, þat blac & loþely was,
Al white bicom, þurth Godes gras,
9300 & clere wiþouten blame.
& when þe soudan seye þat siŠt
Þan leued he wele on God almiŠt;
His care went to game.
& when þe prest hadde alle yseyd,
9350 & haly water on him leyd,
To chaumber þai went ysame.
¶ When he com þer þe leuedi lay,
‘Lo, dame’ he gan to say,
‘Certeyne, þi God is trewe.’
9400 Þe leuedi þonked God þat day,
For ioie sche wepe wiþ eyŠen gray;
Vnneþe hir lord sche knewe.
Þan wist sche wele in hir þouŠt
Þat on Mahoun leued he nouŠt
9450 For chaunged was his hewe.
For þat hir lord was cristned so
Oway was went al hir wo,
Hir ioie gan wax al newe.
¶ ‘Mi lord’ sche seyd wiþ hert fre,
9500 ‘Sende now þis prest in priuete
To mi fader þe king.
& pray him, for þe loue of me,
Þat he com swiþe hider to þe
Wiþ alle þat he may bring.
9550 & when mi fader is to þe come
Do cristen þi lond, alle & some,
Boþe eld & Šing.
& he þat wil be cristned nouŠt,
Loke to þe deþ þat he be brouŠt,
9600 Wiþouten ani duelleing.’
¶ Þe soudan tok þe prest bi hond,
& bad him wende & nouŠt no wond
To þe king of Tars ful Šare;
& do him al to vnderstond
9650 Hou Ihesu Crist þurth his sond,
Haþ brouŠt hem out of care.
& bid him bring wiþ him his ost,
Priueliche, wiþouten bost,
For noþing he no spare.
9700 & Cleophas wiþ gode entent,
To do þe soudans comandment, {f.12va}
To Tars he gan fare.
¶ & when þe prest sir Cleophas,
Com to þe court þurth Godes grace
9750 Wiþouten ani duelling,
He teld þe king alle þat cas
Hou þe child ded born was
A misforschapen þing;
& þurth þe preier of his wiif
9800 Hou God hadde sent it leme & liif
In water ate cristening;
& hou þat heþen soudan
Was bicome a Cristen man
Þurth þe miŠt of heuen-king.
9850 ¶ He radde þe letter þat he brouŠt, & in þe letter he fond ywrouŠt,
In gest as y Šou say,
Hou þat þe soudan him bisouŠt
To com to him & lat it nouŠt
9900 Opon a certeyne day.
& bring wiþ him alle his ost
To take his lond bi euerich cost,
& serche in his cuntray;
Who þat wold nouŠt cristned be
9950 He schuld be honged opon a tre,
Wiþouten ani delay.
Bliþer miŠt noman ben.
He cleped his barouns & þe quen,
& told hem þus in sawe,
1000 Hou þe soudan, stout & kene,
Was cristned wiþouten wene,
& leued on Cristes lawe.
‘& Þerfore he haþ don sent me bi sond
He wil do cristen alle his lond,
1005 Šif þat he mit wel fawe.
& he þat wil nouŠt take cristening,
No be he neuer so heye lording,
He schal [don] hong & drawe.
¶ & þerfore y pray Šou now riŠt,
1010 Erl, baroun, douk, & kniŠt,
Do alle Šour folk bede
Wiþ helme on heued & brini briŠt
Þat Še ben alle redi diŠt
To help me at þis nede.’
1015 Þai sent oueral, bi ich a side, {f.12vb}
For mani Cristen men þat tide,
Þat duhti were of dede.
Þe king him diŠt forto wende
Wiþ sexti þousende kniŠtes hende;
1020 Þat was a feir ferred.
¶ Þe king com wiþouten lett
Þe selue day þat him was sett
To þe soudan wel Šare.
& when þai were togider mett
1025 A miri greteing þer was gret
Wiþ lordinges lasse & mare.
Þer was rewþe for to sen
Hou þe leuedi fel on knen
Biforn hir fader þare.
1030 Þer was ioie & mirþe also
To here hem speken of wele & wo,
Her auentours als þai were.
Þe soudan dede his barouns calle,
& seþþen anon his kniŠtes alle,
1035 & after, alle his meyne.
& when þai come into þe halle
He seyd ‘houso it bifalle,
Še mot ycristned be.
Miseluen, ich haue Mahoun forsake
1040 & Cristendom ich haue ytake,
& certes, so mot Še,
& hye þat wil nouŠt so anon
Þai schul be heueded [euerichon],
Bi him þat dyed on tre.’
1045 ¶ When he hadde þus ytold, Mani SarraŠin stout & bold
Þat in his court were,
Mani seyd þat þai wold,
& mani seyd þat þai nold
1050 Be cristned in non maner.
Þo þat Mahoun wald forsake
Cristen men he lete hem make,
& were him lef & dere.
& he þat dede nouŠt bi his rede,
1055 Anon he dede strike of his hed,
RiŠt fast bi þe swere.
¶ Þe soudan had in prisoun diŠt
Ten þousend Cristen men, y pliŠt,
Of mani vncouþe þede. {f.13ra}
1060 He dede hem liuer anonriŠt,
& þo þat were strong & wiŠt
He Šaf hem armour & stede.
& þo he seye þat miŠt nouŠt so
He Šaf hem mete & drink þerto,
1065 & alle þat hem was nede.
Þer miŠt men se wiþ þat soudan
Mani bliþe Cristen man,
In gest as-so we rede.
¶ When he hadde don þus þat tide,
1070 Oueral his lond, bi ich a side,
Þe word wel wide sprong.
Fiue heþen kinges þat tide,
& mani heþen douke vnride,
Wiþ pople gret & strong,
1075 Þai sent about ner & fer
Opon þat soudan forto wer;
& seyd, for þat wrong,
Bi Mahoun & Teruagaunt,
Þer schuld nouŠt ben his warant,
1080 Bot ben drawe & hong.
Þo fif kinges of prout parayle
DiŠt hem redi to þat batayle;
Wel stout & strong þai were.
Hou þe soudan gan hem aseyle,
1085 & what þai hete, wiþouten feile,
Now herken & Še may here.
King Canadok, & king Lesias,
King Carmel, & king Clamadas,
& king Memarok her fere,
1090 Opon þe soudan wiþ wer þai went.
His men þai slouŠ, his tounes brent,
Wiþ strengþe & gret pouwer.
¶ Þe king of Tars & þe soudan
Day of bateyle þai gun tan
1095 OŠain þo kinges fiue.
Ac euer oŠein a Cristen man
Ten heþen houndes wer þan
Of SarraŠins stout & stiþe.
Now herkneþ to me boþe eld & Šing
1100 Hou þe soudan & þe king
Amonges hem gun driue,
& hou þe SarraŠins þat day
Opped heuedles for her pay; {f.13rb}
Now listen & Še may liþe.
1105 ¶ þe Cristen soudan þat tide, Tok a spere & gan to ride
To Canadok þat was kene.
& Canadok wiþ gret pride,
Wiþ a spere gan him abide,
1110 To wite & nouŠt at wene.
So hard þai driuen togider þere
Þat her launces boþ yfere
Brosten hem bitvene.
Þe soudan drouŠ his fauchoun gode,
1115 Þe kinges heued wiþ alle þe hode
He strok of quite and clene.
¶ King Lesias of Tabarie
To þe soudan he gan heye,
For Canadok his felawe;
1120 Wiþ a spere þat was trusti
He rode to þe soudan wel an hey,
& þouŠt him haue yslawe.
Þe king of Tars bitven hem rod,
& Lessias strok he abod,
1125 As y finde in mi sawe.
& smot him so on þe scheld
Þat, topseyl in þe feld,
He made him ouerþrawe.
¶ He lepe on hors & gan to ride,
1130 & slouŠ adoun bi ich a side
Þat he bifor him founde.
Wham þat Lesias hit in þat tide,
Were he douk or prince o pride,
He Šaf him dedly wounde.
1135 Þe king of Tars com wiþ a spere
& þurth his sides he gan it bere
Þat ded he fel to grounde.
Þan sett þe SarraŠins vp a cri,
‘A Mahoun, ful of meistri,
1140 Help ous in þis stound.’
¶ When king Carmel herd þat, him was wo -
[To fiŠt anon he was ful þro] -
A spere an hond he hent.
He priked his stede & dede him go;
1145 He þouŠt þe king [of] Tars to slo
Er he þennes went.
He smot þe king of Tars þat tide
Þurth his hauberk a wounde wide {f.13va}
Þat neiŠe he hadde him schent.
1150 Þe king out of his sadel fel,
Þe blod out of his wounde gan wel,
Þat mani men him biment.
¶ For sorwe þe soudan wald wede
When he seiŠe his woundes blede;
1155 He rode to him wiþ mayn.
He and þe Cristen ferred
BrouŠt þe king of Tars his stede,
& sett him vp ogayn.
& when he was on hors brauŠt
1160 Alle þat euer he arauŠt
He clef him to þe brayn.
King Carmel þo to him went
& Šaf him swiche anoþer dent
Þat ner he hadde him sleyn.
1165 ¶ & when þe soudan þat yseiŠe Al wode he wex for wreþe neye.
He rode to king Carmele.
He smot him on þe helme an heiŠe
Þat þurth þe breyn it fleiŠe
1170 Þat no leche miŠt him hele.
King Clamadas com rideing þan
Wiþ a glaiue to þe soudan,
& þouŠt wiþ him to dele.
& smot him obouen þe scheld
1175 Þat neiŠe he feld him in þe feld
Among þo houndes fele.
¶ Þe king of Tars in þat stounde
Hadde spite of þat heþen hounde
Þat was so stout & beld.
1180 He swore bi him þat þoled wounde,
‘Þe dogge schal adoun to grounde
Þat fiŠtes þus in feld.’
He rode to him anonriŠt
& smot to him a strok of miŠt;
1185 Atvo he clef his scheld.
& þurth his hert þe swerd gan glide,
Þe blod ran out bi ich a side,
& so he him aqueld.
¶ Þan was king Memaroc in gret peyn
1190 For his four felawes were sleyn
& in þe feld todreued.
He priked his stede opon þe pleyn {f.13vb}
& fleye oway wiþ miŠt & mayn
For dred to hide his heued.
1195 Þe soudan seyŠe him oway ride,
He priked after him in þat tide,
For noþing he it bileued.
& smot him so aboue þe scheld
Þat helme & heued in þe feld
1200 Ful wiŠtlike of it weued.
¶ When þe SarraŠins seyŠen alle
Þat Memarok was to grounde yfalle
& namore vp arise,
‘Allas, Mahoun’ þai gan to calle,
1205 ‘Whi latestow Cristen hewe ous smale?
Wicke is þi seruise.’
Þai fleyŠe for dred alle yfere,
& dreynt hem in o riuer,
So sore hem gan agrise.
1210 Þe bateyle last swiþe long,
Til it were time of euensong,
Er þai miŠt win þe prise.
¶ Þe SarraŠins flowe bi ich a side;
Þe Cristen folk after gan ride,
1215 & schadde hem breyn & blod.
Þer was non þat miŠt him hide
Þat he nas sleyn in þat tide,
Wiþ fiŠt oŠeyn hem stode.
& þo þat Šold hem to þe pes
1220 Þe soudan swore, wiþouten les,
Bi him þat dyed on rode,
He þat nold nouŠt forsake his lay
He schuld forles(s)e þat ich day,
Þe bal vp in þe hode.
1225 Þritti þousende þer wer take Of Sarra[Š]ins boþe blo & blac,
& don in his prisoun.
& he þat wald his lay forsake
Cristenmen he lete him make
1230 Wiþ gret devocioun;
& þai þat wald be cristned nouŠt
Into a stede þai were(e)n ybrouŠt
A mile wiþouten þe toun,
& Cristen men, wiþouten wene,
1235 Striken of her heuedes al bidene...
|
